E ardhmja i takon islamit

Të dashur vëllezër e motra ! Friksojuni Allahut, sepse vetëm në rrugën e besimit do ta gjejmë shpëtimin Ditën e Kijametit dhe do të pastrohemi nga gjynahet tona.

Të dashur myslimanë! Ithtarët e feve të gabuara dhe sekteve fallse mendojnë gabimisht se rruga e tyre është rruga e drejtë dhe se e ardhmja e ndritur dhe fundi fatlum i takon vetëm atyre. Por në të vërtetë njerëzit e arsyeshëm pas një analize të thellë dhe objektive të mësimeve të islamit arrijnë në përfundimin se e ardhmja I takon fesë myslimane. Islami është besimi të cilin, Allahu e ka zgjedhur për ne, njerëzit e të gjitha kombësive, kombeve, kulturave në të gjithë botën.

“ Sot Kompletova për ju besimin tuaj dhe përkryeva mbi ju mirësinë Time dhe zgjodha për ju islamin si besimin tuaj.“ (el-Maide- 3)

Islami nuk është fe e re, por përmban në vetvete të njëjtën të vërtetë të përhershme, e cila i rrëfehet unikalitetit të Krijuesit dhe vetive të Tij të vyera. Islami nuk është vetëm besimi i së kaluarës por edhe i së tashmes dhe i së ardhmes, prandaj edhe zë vendin parësor mes feve në të gjithë skajet e kësaj bote.

Allahu I gjithë pushtetshëm i ka dhuruar njeriut vullnetin e lirë dhe i ka dhënë atij mundësinë e zgjedhjes mes dy rrugëve. E para çon drejt një jete të kënaqshme në këtë botë dhe drejt shpëtimit në botën tjetër. Rruga e dytë është rruga e zjarrit të Xhehenemit – ferrit. Shenjat e atyre që ndjekin këtë rrugë janë mes të tjerash fakti se u bëjnë keq të tjerëve dhe se në mënyrë sistematike përqendrojnë pasuri të dyshimta në duart e tyre në dëm të vlerave fisnike dhe të ndjenjës së solidaritetit njerëzor.

„Në të vërtetë, I treguam atij (njeriut) Rrugën, qoftë ai mirënjohës apo mosmirënjohës.“ (el-Insan- 3)

E ardhmja I takon islamit sepse islami është besimi i cili e vlerëson njeriun dhe nxjerr në pah fisnikërinë e tij. Allahu e nderoi rracën njerëzore sepse Vetë e krijoi atë, I dha asaj jetë, I nënshtroi asaj gjithçka ndodhet mbi tokë dhe urdhëroi melajket – engjëjt ti përulen atij në shenjë respekti. Allahu i dhuroi njeriut arsyen dhe e pajisi atë me veti dhe dhunti të tjera të shumta në mënyrë që t’i mundësoi atij ecjen në rrugën e shoqërisë së drejtë, drejt lumturisë së vërtetë dhe bekimit të përjetshëm.

Allahu i plotfuqishëm kërkon nga ne t’i nënshtrohemi Atij dhe të ndjekim urdhërat e Tij gjatë qëndrimit tonë relativisht të shkurtër në këtë botë. Ai na nxit që tu largohemi gjynaheve dhe t’iu shmangemi epsheve të ndryshme. Allahu gjithashtu na urdhëron të adhurojmë Atë dhe vetëm Atë dhe në lutjet tona duhet t’i drejtohemi vetëm Atij sepse vetëm Atij i përkasin lutjet dhe faljet tona. Allahu do të jetë i vetmi Gjykatës në Ditën e gjykimit, Ai i cili do të shpërblejë veprat e mira dhe do të dënojë gjynahet e shëmtuara.

E ardhmja i takon islamit sepse është feja që prek thelbin e vërtetë të monoteizmit. Islami është besimi i cili është në përputhje të plotë me ligjet e natyrës dhe në harmoni me arsyen e shëndoshë. Allahu mëshirëbërës na ka lejuar gjithçka që i shërben të mirës sonë dhe na ka ndaluar gjithçka që është e papastër dhe e dëmshme (si p.sh. pijet alkoolike, lojrat e fatit, fajdeja, etj.) Allahu e lehtësoi Umetin tonë (dmth. Komunitetin e besimtarëve) nga kufizimet e shumta duke pezulluar disa nga kufizimet e vendosura ndaj komuniteteve fetare më të hershme të cilët iu kundërvunë ligjeve të Zotit dhe tradhtuan shpalljet e Tij. Në Kuran thuhet kështu për sa përmendëm:

„ ...ata, që ndjekin të dërguarin, pejgamberin e paditur (1), I cili përmendet në Tevrat (2) dhe Ungjill (3) . Ai (Pejgamberi Muhamed) urdhëron çka është e drejtë dhe ndalon çka është e keqe. Lejon gjërat e pastra dhe u ndalon atyre çka është e dëmshme dhe u heq atyre barrën e zinxhirëve me të cilët ishin lidhur. Në të vërtetë, ata që i besuan atij dhe e nderuan, e mbështetën atë dhe ndoqën dritën, që e shoqëronte atë, do të jenë të suksesshëm ( dmth. fatlumët në këtë dhe atë botë)“ (el-A'raf- 157)

E ardhmja I takon islamit sepse islami vuri themelet e një sistemi shoqëror të shëndoshë. Islami është feja e së ardhmes pasi Allahu nëpërmjet saj përcaktoi parimet e drejtësisë në marrëdhëniet mes të gjitha gjallesave në botë duke përfshirë marrëdhëniet mes myslimanëve dhe jomyslimanëve, arabëve dhe joarabëve, të bardhve dhe të zinjve, grave dhe burrave, të rinjve dhe të moshuarve. Secilit prej këtyre grupeve i caktoi të drejta dhe detyrime.

E ardhmja i takon Islamit pasi ështe një fe e cila nëse praktikohet drejtë dhe me përpikmëri garanton dhe mbron jetët, arsyen, nderin dhe pasurinë e të gjithë njerëzimit. Islami në mënyrë kategorike i kundërvihet tjetërsimit të pasurisë në mënyrë të padrejtë apo vrasjes së të pafajshmëve. Islami dënon dhe ndëshkon shpifjen, nëpërkëmbjen e nderit dhe përlyerjen e imazhit të cilitdo pjestari të shoqërisë. Islami në të njëjtën kohë apelon ndaj ithtarëve të vet që t’u shmangen gjithçkaje që dëmton arsyen dhe që degradon dinjitetin njerëzor. Nga kjo pikëpamje, ndalimi i përdorimit dhe shitjes së alkoolit apo lëndëve narkotike është i qartë dhe i padiskutueshëm.

Të dashur vëllezër dhe të nderuara motra! Fuqia e islamit qëndron në shtyllat e tij, parimet dhe principet e tij, të cilat janë të përjetshme dhe të vlefshme për të gjitha kombet në botë. E ardhmja i takon Librit të Zotit, amanetit të Pejgamberit, si dhe myslimanëve besimtarë e të qëndrueshëm, të cilët besojnë në Allah, besojnë në vërtetësinë e mësimeve islame si dhe në vlefshmërinë e tyre. Myslimanët në të gjithë botën duhet të mbështeten në ndihmën e Zotit sepse lehtësimi nga Allahu vjen gjithmonë në kohën e mundimeve më të mëdha. Nuk duhet të humbasim kurrë shpresën apo ti nënshtrohemi shtypësve:

„Duan ta shuajnë Dritën e Allahut (4) me buzët (dmth. me fjalët) e tyre, por Allahu nuk lejon asgjë tjetër përveç sundimit të dritës së Tij edhe pse kjo nuk I pëlqen të pafeve “ (Tevbe-32)

Të dashur vëllezër dhe të nderuara motra! Nëse vërtetë duam të arrijmë fitoren e premtuar duhet të praktikojmë islamin përditë dhe duhet ti qëndrojmë besnikë parimeve të tij në çdo situatë. Vetëm në këtë mënyrë mund të presim mëshirën dhe ndihmen e Zotit, sepse nuk ka rrugë tjetër që të na çojë drejt përfundimit fatlum.

Përgatiti, solli në shqip dhe të drejtat e publikimit: IslamOnweb.net

Shënimet:

(1) Muhameti (paqja qoftë mbi të), I cili nuk di shkrim dhe këndim, prandaj ështe e qartë se Diturinë nuk e arriti nëpërmjet studimeve të teksteve të shenjta të shpallura më herët por drejtpërdrejt nga Allahu i Plotfuqishëm.

(2) „Caktoje atë, të cilin Perëndia, Zoti yt, e përzgjedh mes vëllezërve të tu. Nuk mund të caktosh mbret atë që I takon një kombi tjetër I cili nuk është vëllai yt. “ Dhjata e Vjetër (Libri Deuteronómium 18-15)

(3) „ Dhe do të lus Atin dhe ai do t’ju dërgojë një Shpresëdhënës tjetër që të rrijë me ju përjetë “ Dhjata e Re (Ungjilli sipas Gjonit 14-16))

(4) E vërteta, që erdhi nëpërmjet Shpallje