Këshillë kërkuesit të diturisë

Falenderimi i qoftë All-llahut, paqja dhe shpëtimi qofshin mbi të dërguarin e Tij, të dërguarin tonë Muhamedin  (sal-lallahu alejhi ve selem) dhe shoket e tij.

Nuk ka dilemë se kërkimi i diturisë është prej punëve me të vlefshme, prej shkaqeve të fitimit të xhenetit dhe begati për atë që punon me të. Në këtë rrugë sinqeriteti është gjëja  kryesore, qe të jetë kjo vetëm për All-llahun jo për ndonjë qëllim tjetër, se e vetmja kjo është që ka dobi dhe kjo është shkak për ngritjen e shkallave të larta në dunja dhe ahiret.

Është trasmetuar në hadith të Pejgamberit sallallahu alejhi ve sel-lem se ka thënë: “Kush merr diturinë që të  arrij me të kënaqsinë e All-llahut, nuk e merr e atë vetëm se per lavdrim në këtë botë nuk do ta arrije ta nuhasë erën e xhenetit në Diten e Gjykimit.” (Ebu Davudi me sened hasen )

Transmeton Tirmidhiu me isnad të dobët nga Pejgamberi sal-lallahu alejhi ve sel-lem se ka thënë: "Kush merr dituri që t`i rivalizojë me të dijetarët, apo t`i polemizojë me të mendjelehtit apo që t`i kthej fytyrat e njerzve kah ai, All-llahu këtë do ta fut në zjarr".

E këshilloj  secilin student dhe çdo musliman që e ngrit këtë fjalë të jetë i sinqertë që kjo të jetë vetëm për All-llahun si dhe çdo punë tjetër të jetë vetëm për Të.

Thotë All-llahu subhane ve teala : "E kush  është që e shpreson takimin e Zotit të vetë le të bëjë vepër të mire e në adhurim ndaj Zotit të tij të mos e përziej askë" (kehf 110)

Në hadithin që gjindet tek Muslimi, Pejgamberi sal-lallahu alejhi ve sel-lem thotë: "Thotë All-llahu az-ze ve xhel-le: Unë jam më i pasuri që nuk kam shok, kush bën një punë ma shoqëron mua në të dikënd tjetër do ta lë atë dhe atë që ma ka shoqëru".

E këshilloj çdo kërkues të diturisë, çdo musliman t`ia ketë frikën All-llahut subhanehu ve teala, qe të jetë i kujdesshëm në të gjitha çështjet.

Thotë All-llahu: "Ata që pa e parë i frikësohen Zotit te vet për ta ka falje dhe shpëtim të madh" (el Mulk 12)

" E për atë që i patë frikë Zotit, paraqitjes para Zotit të vet janë dy xhenete" (err Rrahman 46)

Kanë thënë disa selef: "Aty ku ka dituri është frika e All-llahut". Thotë Abdullah ibn Mesud radijallahu anhu: "Mjafton dituria me frikë të All-llahut, mjafton padituria me naivitet". Kanë thënë disa selef: "Kush e njef All-llahun, më së miri i frikësohet Atij.”

Më së shumti e vërteton këtë fjala e Pejgamberit sal-lallahu alejhi ve sel-lem shkëve të tij: "Unë vallahi i frikësohem All-llahut më shumë se ju dhe jam më i kujdesshëm se ju me All-llahun."

Çdo herë që njeriut i shtohet dituria dhe e gjitha kjo është për hirë të Allahut (Subhanehu ve teala), do të jetë ky shkak që ti plotësohet dhe devotshmëria, sinqeritetit, dhe ndaljes në kufijtë e Tij si dhe do t’i urrejë mëkatet.

Thotë All-llahu: "Vertetë All-llahut i frikësohen nga robërit e Tij dijetarët" (Suretu Fatir)

Dijetarët janë ata që e njohin All-llahun dhe fenë e Tij. Ata janë që më së shumti prej njerzve i frikësohen All-llahut, me të devotshmit, me të fortit ne fenë e tyre. Në kokat e tyre kanë të Dërguarit dhe Pejgamberët alejhimus salatu ves selam. I kanë pasuar ata më së miri. Na ka mësuar Pejgamberi alejhis selam se nga shënjat e lumturisë është që All-llahu subhanehu ve teala ta bëj robin që ta kuptoj fenë e Tij. Thotë Pejgamberi (Subhanehu ve teala): "Atij që Allahu ia don të mirën e bën të ditur në fe" (Buhariu dhe Muslimi nga Muaviu).

Kjo duhet ta nxit robin që të jetë kryes i obligimeve të Tij, t’ia ketë frikën Atij, t’i kryejë obligimet e tij (farzet), të ketë kujdes nga hidhërimi i Tij, të ketë sjellje dhe moral të pastër, me vepra të mira si dhe të jetë i sinqertë me All-llahun dhe robërit e Tij.

E lus Allahun az-ze ve xhel-le që të na dhuroi diturinë neve, atyre që kërkojnë, dhe të gjithë muslimanëve. Gjithëashtu e lusim që të na bëj të qëndrueshëm,  të na mbron nga të këqijat e vetës dhe nga veprat tona të këqija. Ai është Mbrojtës për këtë e i fuqishëm. Shpëtimi dhe pershendetjet e All-llahut qofshin mbi robin dhe të dërguarin e Tij Muhammedin sal-lallahu alejhi ve sel-lem, familjen dhe shokët e tij.